Sulmuesi maroken, Munis El Haddadi ka shënuar golin e vetëm në ndeshjen Sevilla – West Ham United.
Skuadra spanjolle, Sevilla, ka fituar 1:0 ndaj skuadrës angleze. Ndeshja e së enjtes mbrëma ishte e para e një të tetës së finales në Ligën e Evropës. Liga e Evropës është niveli i dytë i garave kontinentale për klube të futbollit. Haddadi golin e fitores e shënoi pas një ore lojë.
Ndeshja e kthimit luhet në Londër pas një jave.
Tashmë në çerekfinale është RB Leipzigu, që ka fituar pa lojë ndaj skuadrës ruse, Spartak Moska. UEFA e FIFA kanë suspenduar ekipet dhe përfaqësueset ruse.
Artikuj të ngjashëm