Kampionia olimpike Dalilah Muhammad ka thyer një nga rekordet më të vjetra të botës në atletikë, kur vrapoi të dielën 52.20 sekonda në 400 metra me pengesa në Kampionatin e SHBA-së të mbajtur në Iowa.
Koha e saj ishte për 14 të dhjetat e sekondës më e shpejtë se rekordi i botës që e kishte vendosur rusja Yuliya Penchonkina në vitin 2003, shkruan sot Koha Ditore.
"Jam e shokuar", ka thënë Muhammad 29-vjeçare, që kishte pasur një tronditje në kokë pas një rrëzimi në stërvitje dy javë më parë. "Nuk po mund të besoj. Ndihem shumë mirë. Jam shumë e lumtur, sinqerisht vetëm të jem pjesë e këtij grupi të zgjedhur në 400 metra me pengesa. Por rekordi i botës? Ende nuk po më duket diçka reale".
Tinejxherja Sydney McLaughlin përfundoi e dyta me kohë 52.88 sekonda, 0.13 sekonda më ngadalë se rekordi i saj personal, ndërsa Ashley Spencer doli e treta me kohë 53.11 sekonda. Të tria kanë zënë vend në skuadrën e SHBA-së për Botërorin që do të mbahet në shtator në Doha.
(Artikullin e plotë mund ta lexoni sot në “Koha Ditore”)
