Thomas Mueller ka vendosur një rekord të ri të asistimeve në Bundesligën gjermane. Ai në fundjavë, në fitoren 4:1 të Bayern Muenchenit ndaj Koelnit, asistoi dy gola, duke arritur në shifrën e 14 asistimeve në 22 xhiro në Bundesligë këtë stinor.
Është një rekord, që kur Bundesliga ka nisur të mbledhë të dhëna të detajuara nga stinori 2004/05, transmeton Koha.net.
“Siç dihet tashmë, Thomas gjithmonë mban një sy te bashkëlojtarët dhe i vendos ata në situatë të mirë. Ai ka instinkte dhe merr vendimet e duhura”, ka thënë portieri dhe kapiteni i Bayernit, Manuel Neuer, përcjell faqja zyrtare e Bayernit.
