Trajneri i Manchester Unitedit, Jose Mourinho, ka thënë se ndjehet më i dobët pa prezencën e Marouane Fellainit në ekipin e parë.
Në Old Trafford ka pasur zëra të ndryshëm që nga transferimi i Fellainit në vitin 2013 prej Evertonit.
Ai mungoi në barazimin 2 me 2 me Stoke Cityn të shtunën dhe mbetet në dyshim për ndeshjen e Ligës së Kampionëve ndaj Baselit për shkak të një lëndimi.
“Ai është futbollist i rëndësishëm për mua – shumë më i rëndësishëm se që e imagjinoni. Ndihem më i dobët pa Fellainin në skuadër, nuk ka rëndësi a është në fushë apo rezervë. Në kushtet e tij ai është përmirësuar, kam nevojë për të”, ka thënë Mourinho.
