Trajneri portugez Jose Mourinho po vlerësohet favorit për të marrë drejtimin e Real Madridit, raportojnë mediumet spanjolle të mërkurën.
Tifozët në "Santiago Bernabeu" të Madridit të martën mbrëma bënë thirrje për kthimin e Mourinhos, pas humbjes 4:1 të Realit nga Ajaxi në ndeshjen e kthimit të 1/8 së finales të Ligës së Kampionëve, duke u eliminuar nga kjo garë, transmeton Koha Ditore.
Në të vërtetë thirrje për kthimin e Mourinhos kanë bërë edhe mediumet spanjolle, përfshirë edhe gazeta "Marca".
Ndërkohë edhe bastoret janë duke favorizuar Mourinhon që të marrë drejtimin e skuadrës madrilene.
Mourinho ishte trajner i Realit nga viti 2010 deri në vitin 2013, ndërsa fitoi La Ligan në vitin 2012 me 100 pikë.
Artikuj të ngjashëm