E ardhmja e mesfushorit Luka Modriq ende nuk është e sigurt te Real Madridi, ndërsa kroati tashmë ka marrë një ofertë të majme nga Arabia Saudite.
“Marca” shkruan se një klub elitar i Arabisë Saudite i ka ofruar Modriqin kontratë dyvjeçare në vlerë prej 50 milionë eurosh për ta vazhduar karrierën në Lindjen e Mesme.
37-vjeçari ende nuk ka dhënë sinjale se do të mbetet pjesë e Real Madridit edhe sezonin tjetër, pasi kontrata aktuale i skadon këtë verë.
Më herët është raportuar se Reali është i gatshëm t’i ofrojë Modriqit rinovimin e kontratës edhe për një vit, por ende asgjë nuk ka konkrete.
Ai këtë edicion ka 6 gola e po aq asistime në të gjitha garat, ndërsa është pjesë e Real Madridit prej vitit 2012 kur iu bashkua nga skuadra e Tottenhamit.
Artikuj të ngjashëm