Skuadra e ligës NBA, Milwaukee Bucks, ka vendosur rekord të ri në elitën e basketbollit amerikan.
Milwaukee në ndeshjen e fundit të zhvilluar kundër Miami Heatit shënoi plot 29 herë nga vija për tri pikë.
Natyrisht, e fitoi duelin në fund thellë, me shifrat 144:97.
Bucks e dominoi në tërësi lojën duke udhëhequr në një periudhë të lojës me 51 pikë.
Milwaukee po ashtu e theu rekordin e Houston Rockets që kishte arritur të shënonte 27 trepikësha në një ndeshje të vetme.
Më i dalluari në fitore ishte Khris Middleton që realizoi plot 25 pikë, i përcjellë nga Jrue Holiday që e pati një pikë më pak të realizuar.
