Drejtuesit e Milanit dhe Monakos do të takohen për të diskutuar për futbollistin Pietro Pellegrin.
Te Milani janë të vendosur që ta blejë kartonin e futbollistit, i cili është i huazuar te skuadra italiane deri në fund të sezonit.
Ekipi italian e ka në kontratë opsionin e blerjes së lojtarit në fund të sezonit për gjashtë milionë euro, plus një milionë bonuse.
Por, drejtori i Milanit, Palolo Maldini, do të negociojë për të ulur këtë shifër.
Nëse Milani nënshkruan me Pellegrin në janar, atëherë lojtari do të huazohet te Torino deri në fund të qershorit.
20-vjeçari është përballur me lëndimet te Milani dhe ka regjistruar vetëm gjashtë paraqitje në Serie A.
Ai u lëndua në ndeshjen e vetme që startoi këtë edicion ndaj Salernitanas më 4 dhjetor.
Artikuj të ngjashëm