Milani ka fituar pas shtatë ndeshjeve në të gjitha garat, dhe për herë të parë në Serie A pas pesë ndeshjeve.
“Rossonerët” që kishin dy barazime e tri disfata rresht në elitën e futbollit italian, të premten mbrëma fituan përballë Torinos së Mërgim Vojvodës me një gol të shënuar nga Olivier Giroud.
Giroud realizoi në minutën e 62-të të ndeshjes.
Vojvoda u inkuadrua në minutën e 58-të.
Kampioni në fuqi i Italisë, Milani, tani ka 41 pikë dhe ngjitet në pozitën e tretë.
Lider është Napoli me 15 pikë më shumë, 56 gjithsej.
Torino mbetet në vendin e shtatë me 30 pikë.
Edhe
Milani u kthehet fitoreve
Kjo ndeshje i takoi xhiros së 22-të.
Ishte e veçantë për “rossonerët” që zhvilluan ndeshjen e 3000 në elitën e futbollit të Italisë.
Këtë shifër të ndeshjeve në Serie A më parë e kanë arritur Interi, Roma dhe Juventusi.
