Argjentina ka fituar me rezultatin 3:0 ndaj Hondurasit, në ndeshjen miqësore para Botërorit të Katarit.
Ndeshja u zhvillua në stadiumin “Hard Rock” në Miami, ndërsa të pranishmit panë paraqitje mbresëlënëse të Lionel Messit, i cili shënoi dy gola.
Është ndeshja e 34-rt rresht për argjentinasit që nuk dinë për disfatë.
Golin e parë për Argjentinën e shënoi Lautaro Martinez në minutën e 16-të. Ai u asistua nga Papu Gomez, i cili mori top tejet të mirë nga Messi.
Messi në minutën e dytë të shtesës së pjesës së parë realizoi nga penalltia, ndërsa golin e fundit në ndeshje e shënoi në minutën e 69-të, duke paraboluar portierin kundërshtar nga distanca.
Artikuj të ngjashëm