Federata e Futbollit të Kosovës (FFK), të premten ka njoftuar për datat dhe stadiumet ku do të zhvillohen ndeshjet e barazhit për Superligë dhe Ligën e Parë.
Në njoftimin e FFK-së, thuhet se më 21 dhe 28 maj, do të luhen duelet e barazhit.
Ndeshja e parë e barazhit për Ligën e Parë, do të jetë më 21 maj në stadiumin “18 Qershori” në Klinë.
Një javë më vonë, më 28 maj, do të luhet ndeshja e barazhit për Superligë. Ky duel do të zhvillohet në stadiumin “Zahir Pajaziti” në Podujevë.
