Erëleta Memeti ka shkëlqyer në fitoren shumë të thellë të Hoffenheimit në elitën e futbollit gjerman.
Futbollistja e Kosovës, Memeti, kontribuoi me dy asistime në fitoren e thellë 9:0 të skuadrës së saj në shtëpi kundër Duisburgut.
Memeti 24-vjeçare pasoi bukur për sulmuesen Mara Alber në minutën e parë të kohës shtesë. Alber shënoi për 3:0.
Një minutë pas rikthimit në fushë nga pushimi, Memeti dha edhe një pasim për sulmuesen tjetër, Melissa Klara Kossler, që shënoi për 4:0.
Mesfushorja me tipare sulmuese, Memeti, luajti deri në minutën e 61-të.
Ishte ndeshja e parë e kampionatit të ri të Bundesligës në konkurrencën e femrave.
Artikuj të ngjashëm
