Max Verstappen luftoi shumë dhe e fitoi “Grand-Prixin” e Spanjës, pasi rivali për titull, Charles Leclerc, u tërhoq nga gara, ani pse ishte duke e dominuar garën.
Ishte fitorja e katërt e Verstappenit në gjashtë garat e para të këtij viti, por u ndihmua edhe nga urdhërat që Sergio Perez i mori nga ekipi i “Red Bullit”. Perezi doli i dyti në garë.
Verstappen e merr kryesimin në renditjen e ngasësve për herë të parë në vitin 2022, ndërsa në garën e Monacos javën tjetër shkon si lider, me gjashtë pikë më shumë se Leclerc.
George Russell i “Mercedesit” e mbylli garën i treti, ndërsa shtatë herë kampioni i Formula 1, Lewis Hamilton, përfundoi i pesti.
