Sport

Mavididi, futbollisti që po bën emër në futbollin francez

Pasi humbi shansin që ta përsëriste suksesin e të pëlqyerit të tij, Thierry Henry, e të luajë për Arsenalin në Premier League, Stephy Mavididi, tani është duke bërë emër në futbollin francez.

Sulmuesi 23-vjeçar është duke kaluar formë shumë të mirë te Montpellieri dhe do të jetë udhëheqës i skuadrës së tij që kërkon arritjen në çerekfinale të Kupës së Francës. Të shtunën, Montpellieri luan në udhëtim te Marseille.

Mavididi shënoi golin e fitores në vikendin e kaluar, derisa Montpellieri mposhti Monacon 3:2 për të kaluar në vendin e gjashtë në ligë. Ai ishte kontribuues edhe në golin e parë kundër Monacos dhe e shënoi të dytin po ashtu.

Sezonin e fundit, Mavididi shënoi nëntë gola për Montpellierin.

Ishte pjesë e akademisë së Arsenalit në moshën 13-të vjeçare, dhe trajner e kishte legjendën e klubit, Henryn, në grupmoshën U-19.

Mavididi asnjëherë nuk luajti për skuadrën e parë të “revolveristëve”. Ai karrierë bëri si i huazuar edhe te Charltoni, Prestoni dhe Oldhami, para se t’i bashkohej gjigantit italian, Juventusit, në vitin 2018. Te italianët luajti për skuadrën e tretë. Shënoi gjashtë gola në 32 ndeshje të Serie C. Vetëm një herë luajti në Serie A.