Manchester City dëshiron që me çdo kusht ta mbajë në skuadër edhe për shumë vjet mesfushorin, Kevin De Bruyne.
“The Times” shkruan se klubi anglez i ka ofruar kontratë të re dhe të përmirësuar futbollistit belg. Kjo ka ndodhur pasi De Bruyne e kishte refuzuar ofertën e parë që i ishte bërë nga drejtuesit e Cityt.
Detajet tjera nuk janë bërë të ditura. Kontrata aktuale 28-vjeçarit i skadon në vitin 2023. Këtë sezon, De Bruyne ka shënuar tre gola dhe ka asistuar 11 herë në 22 ndeshje në Premier League.
