Malisheva ka kaluar në epërsi ndaj Gjilanit, në ndeshjen që po zhvillohet në stadiumin e qytetit në Gjilan. Ky ballafaqim i takon xhiros së 17-të të Superligës së Kosovës në futboll.
Hasan Hyseni shënoi në minutën e 15-të. Ai në një penallti në lëvizje ishte i saktë dhe mposhti portierin Enea Koliçi.
Hyseni e realizoi golin e katërt për skuadrën e tij këtë sezon.
Gjilani në minutën e 38-të arriti të shënonte gol nëpërmjet Blerim Krasniqit, por pas konsultimit me sistemin VAR, gjyqtari kryesor Besfort Kosumi anuloi golin e realizuar me kokë, për shkak të pozitës jashtë loje.
Artikuj të ngjashëm