Malisheva ka shkuar në pushim me epërsi të dy golave ndaj Dukagjinit, në ndeshjen e xhiros së dhjetë të Superligës së Kosovës në futboll.
Altin Aliu në minutën e 11-të dhe Elom Nyavedji në minutën e 39-të, realizuan dy golat për skuadrën malishevasve.
Dukagjini shënoi nëpërmjet sulmuesit Marclei Santos, në minutën e 42-të. Por, goli u anulua për pozitë jashtë loje, pas rishikimit të situatës në VAR.
Në fundin e pjesës së parë, mysafirët kërkuan penallti pasi pretenduan për prekje me dorë në zonën e skuadrës së Malishevës. Por gjyqtari Mentor Ajeti, pasi pa situatën në VAR, vlerësoi se gjithçka ishte e rregullt.
Ndeshja po zhvillohet në stadiumin “Liman Gegaj” në Malishevë.
Malisheva në këtë stadium është rikthyer pas më shumë se dy muajsh, pas punimeve të kryera.
