Statistikat nuk gënjejnë. Asnjë përfaqësuese nga juglindja e Afrikës nuk ka luajtur në Kupën e Botës në futboll, shkruan CNN.
Perëndimi i Afrikës është mbret kur vjen te futbolli në këtë kontinent. Afrika e Jugut ka organizuar Kupën e Botës në vitin 2010, ndërsa vendet e veriut në Afrikë po e shijojnë momentin e tyre, ku Egjipti, Maroku dhe Tunizia janë kualifikuar për Botërorin 2018 në Rusi, përcjell Koha Ditore.
Nga juglindja e Afrikës, suksesi i vetëm ishte triumfi i Zambisë në Kupën e Shteteve të Afrikës në vitin 2012 dhe po ashtu arritja e Ugandës në finale të Kupës së Shteteve të Afrikës në vitin 1978.
Malavi nuk është përjashtim. Përfaqësuesja është kualifikuar vetëm dy herë për Kupën e Shteteve të Afrikës dhe aktualisht zë vendin e 126-të nga 206 vende sa janë në renditjen e FIFA-s.
Por, Malavi është vend i çmendur pas futbollit dhe me 44 për qind të popullatës së saj prej 18 milionë banorë nën moshën 14-vjeçare, ka shumë talente të papërpunuara...(Më gjerësisht mund të lexoni sot në Koha Ditore).
