Portieri Mike Maignan edhe zyrtarisht është në negociata me skuadrën e Milanit për rinovimin e kontratës, kanë raportuar të premten mediumet italiane.
28-vjeçari është një prej portierëve më të mirë në Serie A dhe Milani po dëshiron ta mbajë më gjatë në radhët e veta.
Kontrata e tij aktuale skadon në vitin 2026, ndërsa rinovimi i është ofruar edhe për dy vjet të tjerë. Megjithatë, për ta rinovuar kontratën me klubin italian, francezi po kërkon pagë vjetore prej tetë milionë eurosh.
Paga e tij aktuale është 2.8 milionë euro. Ai iu bashkua Milanit në vitin 2021 dhe me këtë ekip e ka fituar titullin e kampionit të Italisë.
Artikuj të ngjashëm