Lyoni zyrtarisht ka mohuar raportimet se Nabil Fekir është afër kompletimit të transferimit te Liverpooli.
Të enjten mbrëma është raportuar se Liverpooli është marrë vesh me 24-vjeçarin që do të kushtonte 65 milionë euro, por Lyoni ka mohuar se është arritur marrëveshja.
“Informacioni për transferimin e Nabil Fekirit është fals. Lyoni kategorikisht mohon raportimet se Nabil Fekir është transferuar te klubi i Liverpoolit”, thuhet në reagim.
“Në këtë periudhë transferimesh ku çdo thashetheme prezantohet si e vërtetë, Lyoni ua përkujton se informacioni i saktë është kur transmetohet nga klubi përmes faqes zyrtare”, thuhet më tej.
Fekir pritej të bëhej lojtari i tretë i transferuar gjatë kësaj vere, pas Naby Keitas dhe Fabinhos.
