Loriana kalon bartësen e dytë

Loriana Kuka ka kaluar pengesën e parë në Botërorin e xhudos, të martën.

Në raundin e dytë të kategorisë deri 78 kg, Loriana e kishte përballë izraeliten Inbar Lanir.

Ndaj saj dominoi plotësisht, kurse fare në fund realizoi hedhje të bukur për uazari.

Lanir ishte bartësja e dytë në kategori, por nuk ka rrezikuar fare Lorianën.

Botërori i xhudos po mbahet në Tashkent të Uzbekistanit. Distria Krasniqi ka fituar medalje të bronztë tashmë.