Një lojtar në një ligë të rangut më të ulët në Angli, është ndëshkuar me karton të kuq pasi gjyqtari ia ngatërroi mbiemrin “Watt” me pyetjen “What?” .
Gjyqtari Dean Hulme e pyeti Sanchez Wattin, i cili luan për Hemel Hempstead Town, se si e kishte emrin pasi po ndëshkohej me karton të verdhë për shkak të një ndërhyrje.
Lojtari 27-vjeçar i është përgjigjur: “Watt”, por gjyqtari ka besuar se po thoshte “What?” [në gjuhën shqipe: çka] dhe e ndëshkoi me kartonin e dytë të verdhë për sjellje të pahijshme ndaj gjyqtarit.
Gjyqtari e ka marrë vesh për gabimin që ka bërë dhe ka kërkuar falje ndërsa Watt nuk është larguar nga fusha në fitoren 2 me 0.
Watt si 18-vjeçar luajti edhe për Arsenalin.
Artikuj të ngjashëm