Liverpooli ka shënuar fitore të rëndësishme në Premier League, në kuadër të xhiros së 33-të të Premier Leagues angleze.
“Të kuqtë” e drejtuar nga Juergen Kloppi, të mërkurën mbrëma e fituan edhe ndeshjen e dytë rresht në ligë dhe mbajnë gjallë shpresën për të zënë një vend që dërgon në “Champions” edicionin tjetër.
Liverpooli fitoi në udhëtim te West Hami me rezultatin 2:1.
Lucas Paqueta i dha epërsinë vendësve në minutën e 12-të, por gjashtë minuta më vonë, për 1:1 shënoi Cody Gakpo.
Golin e pikëve të plota për mysafirët e realizoi mbrojtësi Joel Matip, në minutën e 67-të.
Liverpooli pas 32 ballafaqimeve të luajtura ka 53 pikë në pozitën e gjashtë.
West Hami ka 34 pikë në pozitën e 14-të.
Artikuj të ngjashëm