Liverpooli është kthyer te fitorja në Premier League pasi ka mposhtur Sheffield Unitedin, me rezultatin 2:0.
Skuadra e udhëhequr nga trajneri, Jurgen Klopp, me këtë fitore i afrohet edhe më shumë vendit të katërt që mbahet nga West Hami me 45 pikë. Liverpooli është në pozitën e gjashtë me 43 pikë.
Pjesa e parë e ndeshjes u dominua nga kampioni anglez që kishte mundësi të mira shënimi me Roberto Firminon dhe Sadio Manen, por nuk gjetën golin.
Edhe pjesa e dytë e ndeshjes i takoi mysafirëve të cilët krijuan më shumë shanse shënimi.
Në minutën e 48-të Curtis Jones, kaloi ekipin e tij në avantazh me këtë gol prej 1:0.
Liverpool dyfishoi rezultatin në minutën e 64-të me Kean Bryan, që shënoi autogol për 2:0.
