Ndeshja dramatike që dhuroi gjashtë gola mes Lillet dhe Lyonit përfundoi me rezultatin e barabartë, 3:3.
Kjo ndeshje u luajt të premten mbrëma dhe i takoi xhiros së 27-të të elitës së futbollit të Francës, Ligue 1.
Jonathan David i shënoi të tre golat për skuadrën vendëse.
Të parin e realizoi një minutë pas pushimit, ndërsa i saktë nga 11-të metra ishte në minutën e 61-të.
Bradley Barcola ngushtoi epërsinë në minutën e 64-t për Lyonin, por David ishte i saktë edhe një herë tjetër nga 11-të metra në minutën e 79-të, për 3:1.
Alexandre Lacazette shënoi dy golat e fundit në ndeshje për 3:3, në minutën e 83-të dhe të 89-të.
Për Lillen u akordua penallti në minutat shtesë, por ajo u anulua pas shikimit të situatës në VAR.
Edon Zhegrova ishte në bankën rezervë te Lille, që ka 46 pikë në vendin e gjashtë.
Lyoni ka gjashtë pikë më pak.