Damian Lillard realizoi rekord prej 60 pikëve në këtë edicion të ligës NBA.
Ai ndihmoi skuadrën Portland Trail Blazers të fitojë ndaj Utah Jazz, me rezultat 134:124.
Lillard ishte i saktë në nëntë prej 15 tentimeve për tri pikë, ndërsa totali i trepikëshave të realizuar nga ai shkon në 2292.
Është i gjashti në listën e koshashënuesve më të mirë nga vija për tri pikë.
Paraqitja e Lillardit kundër Jazzit përfshiu edhe tetë asistime, shtatë kërcime e tre topa të vjedhur.
Edhe
Durant regjistron rekord në NBA
Golden State Warriorsit iu përjashtua Stephen Curry nga loja, por “luftëtarët” fituan ndaj Memphis Grizzlies, me rezultat 122:120.
Curry ishte lider në listën e koshashënuesve me 34 pikë, para se të përjashtohej nga loja pasi e hodhi mbrojtësen e dhëmbëve në drejtim të tifozëve, kur kishte mbetur edhe një minutë e 14 sekonda deri në fund.
Jordan Poole e vendosi fitoren e Warriorsit, kur shënoi 2.4 sekonda para fundit.
Los Angeles Lakersi mposhti 113:104 skuadrën e San Antonio Spursit.
Edhe
Rekordit 18-vjeçar të Jamesit i vjen fundi
LeBron Jamesi kontribuoi me 20 pikë, 11 asistime e nëntë kërcime. Në total, Jamesi ka 38 mijë e 230 pikë të realizuara në karrierën në NBA. Është vetëm 157 pikë larg koshashënuesit më të mirë në histori të ligës. Rekordin e mban Kareem Abdul Jabar.
Giannis Antetokounmpo realizoi 33 pikë në fitoren e Milwaukee Bucks kundër Denver Nuggets, 107:99.
