Bayer Leverkuseni luan në shtëpi ndaj Wolfsburgut, në ndeshjen e fundit të xhiros së 25-të të Bundesligës gjermane. Kjo ndeshje e rëndësishme zhvillohet të dielën nga ora 19:30.
Dhe Leverkuseni synon që të marrë pikët e plota e të vazhdojë drejt titullit, që do të ishte historik për skuadrën që drejtohet nga Xabi Alonso. Granit Xhaka është lider në mesfushën e Leverkusenit.
Leverkuseni ka 64 pikë, dhjetë më shumë se Bayern Munichu, kur kanë mbetur edhe dhjetë xhiro deri në fund të kampionatit gjerman.
Bayern Munichu të shtunën e pret në shtëpi Mainzin nga ora 15:30.
Thomas Muller ka thënë se Bayerni do ta vazhdojë deri në fund garën për titull.
Edhe
Bayern – Frankfurt, derbi i Bundesligës
Muller ka fituar 12 trofe të Bundesligës, ndërsa i ka 11 rresht.
Leverkuseni asnjëherë nuk e ka fituar titullin, duke përfunduar pesë herë në vendin e dytë.
“Për momentin Leverkuseni duket se do ta arrijë titullin, por ne do të qëndrojmë aty”, ka thënë Muller.
Në vitin 2002, Leverkuseni kryesonte me pesë pikë më shumë se skuadra e vendit të dytë, kur kishin mbetur edhe tri xhiro deri në fund të kampionatit. U kualifikua në “Champions” dhe në finale të Kupës së Gjermanisë, por përfundoi në vendin e dytë në të tri garat.
Skuadra e Xhakës është në seri prej 36 ndeshjeve pa humbje.
Bayern Munichu dhe Borussia Dortmundi në edicionin e kaluar e përfunduan garën me 71 pikë, ndërsa bavarezët e fituan titullin falë goldallimit më të mirë.
Edhe
Leverkusen – Bayern, derbi i madh në Bundesligë
Leverkuseni pritet ta kalojë këtë shifër të pikëve dhe mund ta festojë titullin e parë nëse vazhdon me formën e mirë.
Dortmundi, që zë vendin e katërt me 44 pikë, luan të shtunën nga ora 18:30 në udhëtim te Werder Bremeni.
