Portieri Bernd Leno ka vendosur të largohet nga Arsenali.
Portieri gjerman e ka humbur vendin e titullarit këtë edicion te skuadra londineze.
Trajneri Mikel Arteta thuhet se preferon portierin anglez Aaron Ramsdale, të cilin e transferoi gjatë afatit kalimtar të verës.
Leno thuhet se nuk është i kënaqur me situatën e tij në klub dhe mund të largohet gjatë afatit kalimtar të janarit.
Portieri gjerman ka kontratë me “Topçinjtë” deri në vitin 2023.
Ai është pjesë e klubit anglez që nga viti 2018 kur u transferua nga Bayer Leverkuseni.
