Lazio ka mposhtur Interin në kuadër të xhiros së tretë në Serie A. Të premten mbrëma, Lazio fitoi me shifrat 3:1.
Felipe Anderson realizoi për 1:0 në minutën e 40-të. Rezultatin në 1:1 e barazoi Lautaro Martinez në minutën e 51-të. Por skuadra nga Roma u kthye sërish.
Për 2:1 shënoi Luis Albert në minutën e 75-të. Ndërsa rezultatin përfundimtar, 3:1, e vendosi Pedro në minutën e 86-të.
Lazio i ka shtatë pikë nga tri ndeshje. Aktualisht është lider. Interi mbetet me gjashtë pikë. Është i katërti.
Elseid Hysaj luajti prej minutës së 71-të te Lazio. Kristjan Asllani qëndroi në stol tek Interi.
Po të premten, Udinese fitoi 2:1 në udhëtim ndaj Monzas.
Artikuj të ngjashëm