Lautaro Martinez ka nënshkruar kontratë të re me Interin deri në vitin 2026, kanë raportuar “Sky Sport Italia” dhe “La Gazzetta dello Sport”.
Ish-ylli i skuadrës së Racingut ka vendosur të vazhdojë me “nerazzurrët” dhe ka nënshkruar me Interin të enjten.
Lautaro kishte klauzolën e lirimit prej 111 milionë euro, por me kontratën e re nuk do të ketë diçka të tillë, pasi klubi në të ardhmen mund të negociojë në shitjen e tij.
24-vjeçari iu bashkua Interit për 25 milionë euro nga Racingu në vitin 2018-të. Ka shënuar 54 gola në 144 paraqitje me Interin, ndërsa Tottenhami dhe Atletico Madridi kishin tentuar ta transferonin atë në verë.
