Pas orarit të ngjeshur në mesjavë me ndeshje të Kupës së Mbretit, La Liga kthehet në fundjavë me xhiron e 16-të.
Në fundjavën e futbollit spanjoll do të ketë duele nga ku edhe mund të bëhen shkëputje në tabelë.
Trajneri i Barcelonës, Xavi Hernandez, mori lajm të mirë para udhëtimit të vështirë tek Atletico Madridi, të dielën nga ora 21:00.
Barçës iu deshën vazhdimet për ta kaluar Intercityn e rangut të tretë të futbollit spanjoll në Kupën e Mbretit.
Lajmi i mirë për Xavin ishte rikthimi i Ronald Araujos pas 103 ditëve. Madje ai edhe realizoi gol në fitoren 4:3.
Edhe
Fillon “seria” e top-ndeshjeve mes Barçës e Atleticos
Por Barcelona humbi disa shanse pa Robert Lewandowskin në skuadër.
Polaku nuk do të jetë i pranishëm as për duelin kundër Atleticos për shkak të suspendimit. Bashkë me Jordi Alban do të jenë mungesa të mëdha në formacionin e Xavit.
Ndryshe është disponimi tek Atletico që fitoi 2:0 kundër Oviedos, ndërsa trajneri Diego Simeone mbeti i kënaqur me paraqitjen e të gjithëve, sidomos me atë të Antoine Griezmannit.
Pas vazhdimit të garës në futbollin spanjoll pas Kupës së Botës, Barcelona nuk ka pasur formë të mirë. Barazoi 1:1 me Espanyolin.
Atletico nga ana tjetër ka regjistruar tri fitore që prej rikthimit, por ka mbetur 11 pikë prapa lideres në renditje.
Edhe
Barcelona synon të kthehet te fitorja
Në vitet e fundit këto dy skuadra nuk kanë shënuar shumë gola, por Atletico – Barcelona mbetet prej ndeshjeve më interesante.
“Blaugrana” ka humbur vetëm tri nga 24 vizitat e fundit në La Liga, dhe që të tria ato humbje kanë ardhur në Madrid.
Udhëtim të vështirë në këtë fundjavë do të ketë edhe Real Madridi që viziton stadiumin e Villarrealit, të shtunën në orën 16:15.
Madrilenët kanë fituar dy ndeshje që prej përfundimit të Botërorit, por nuk kanë bindur me paraqitje. Reali fitoi 1:0 ndaj Cacerenos në Kupën e Mbretit.
Edhe
Barça luan te Girona, Reali pret Sociedadin
Trajneri Carlo Ancelotti u ankua për fushën e dobët në Caceres.
Barcelona është lidere në La Liga me 38 pikë, por vetëm falë goldallimit më të mirë. Po aq pikë ka edhe Real Madridi në vendin e dytë.
