Marash Kumbulla ka qenë afër transferimit te Napoli, por te Roma po kalon formë tejet të mirë, ka bërë të ditur menaxheri i mbrojtësit të Shqipërisë, Gianni Vitali.
“A ishte afër që Napoli ta transferojë Kumbullën? Ne tashmë kishim marrëveshje dhe kemi diskutuar për këtë çështje, por për momentin ai është i lumtur në Romë dhe po punon për të bër gjëra të mira për vete e për Romën. Çfarë ka ndodhur në të kaluarën e dimë. Më mirë me tre mbrojtës? Kërkesat e Romës dhe Veronës nuk janë të njëjta, por unë jam i bindur se ai po ashtu mund të luajë nga ana e majtë. Trajnerët kanë besim në aftësitë e tij. Po kalon sezon tejet të mirë, pozitiv. Në Romë po luan shumë. Qëllimi është që të përmirësohet çdo ditë. Të enjten dhe të dielën Roma i ka dy takime të rëndësishme”, ka thënë Gianni Vitali për “Radio Marte”.
Roma të enjten mbrëma do të luajë kundër Shakhtarit, ndërsa të dielën në shtëpi ndaj Napolit.
