Një fundjavë impresive kishte ekipi i Kosovës në xhudo. Trajneri Driton Kuka ka udhëtuar me katër xhudistë në Abu Dhabi të Emirateve të Bashkuara Arabe, ku të shtunën nisi turneu Grand Slam i xhudos. Dhe të gjithë xhudistët kosovarë fituan medalje.
Madje të gjithë ishin në finale. Bilanci përfundimtar i Kosovës është një medalje e artë e tri të argjendta, një bilanc për të cilin trajneri Kuka pranon se vetëm ka mundur të ëndërrojë, shkruan sot “Koha Ditore”.
Ai i është gëzuar kthimit në gara pas një kohe të gjatë të kampiones olimpike Majlinda Kelmendi. I është gëzuar edhe faktit që Distria Krasniqi ka nisur të ambientohet në kategori të re, që Nora Gjakova po konfirmohet si top-xhudiste botërore dhe që Akil Gjakova po ngrihet në nivelin më të lartë të mundshëm, në vetë elitën e xhudos.
Është hera e parë që Kosova fiton katër medalje në një garë prestigjioze të xhudos, të tilla si Grand Slami i Abu Dhabit. Madje në të kaluarën në turnetë e nivelit Grand Slam, Kosova nuk i kishte as tri medalje të fituara nga një garë e vetme./A.Maxhera
(Më gjerësisht lexoni sot në “Koha Ditore”)
-
Kuka komenton suksesin në Abu Dhabi, thotë se Kelmendi s’ka lëndim të rëndë
-
18 vjet shtet - xhudistët e Kosovës, të pakrahasueshëm
-
Majlinda e kërkuar edhe si trajnere, refuzon ofertë të majme nga Emiratet Arabe
-
Kosova e përfundon “në podium” një tjetër vit me plot medalje
-
Lidhja e fuqishme e xhudos kosovare me Parisin