Bledian Krasniqi ka shënuar një gol në derbin e Zuerichut. Ekipi i tij Zuerichu fitoi ndaj Grasshopperit me rezultatin 2:1.
Ndeshja e luajtur të martën i takoi javës së tetë të Superligës së Zvicrës.
Sulmuesi Krasniqi shënoi për 1:0 në minutën e 37-të, ndërsa Antonio Marchesano shënoi për 2:0 në minutën e 73-të. Futbollisti me prejardhje nga Kosova, Selmin Hoxha shënoi autogol në minutën e 90-të.
Krasniqi luajti deri në minutën e 71-të, kurse Hoxha u inkuadrua në minutën e 87-të.
Për Zuerichun luajti edhe Lindrit Kamberi, derisa Mirlind Kryeziu mbeti në stol.
Edhe
Krasniqi vazhdon me gola në Zvicër
Për Grasshopperin, Amir Abrashi luajti deri në minutën e 77-të, derisa Florian Hoxha dhe Dion Kacuri mbetën në stol.
Zuerichu është në vendin e e parë me 16 pikë nga tetë ndeshje. Ka dy ndeshje më shumë se Young Boysi. Grasshopperi është në vendin e dhjetë me pesë pikë.
