Futbollistet e Kosovës janë ngjitur për dy pozita në ranglistën e FIFA-s të publikuar të premten.
Kosova në listën e kaluar ishte në pozitën e 102-të, ndërsa tani zë pozitën e 100-të me 1204.71 pikë.
Pozitën më të mirë e kishte në vitin 2017, kur renditej në vendin e 97-të.
Ngritja në ranglistë për Kosovën është arritur pas suksesit në fillim të këtij muaji, kur siguroi kalimin në Ligën B të Ligës së Kombeve.
Në Ligën C të Ligës së Kombeve, Kosova pati një barazim pa gola me Bullgarinë, ndërsa mposhti Maqedoninë e Veriut 2:0 dhe 3:1, si dhe Bullgarinë në duelin e fundit, 5:1.
U rendit në vendin e parë të Grupit 5 me 10 pikë në katër ndeshje, pesë më shumë se Bullgaria dhe nëntë më shumë se Maqedonia e Veriut.
Edhe
Kosova është ngritur 114 pozita për dhjetë vjet në FIFA
Shqipëria ka rënë për një pozitë dhe aktualisht zë vendin e 73-të me 1336.66 pikë.
Spanja është e para në listë, ndërsa përcillet nga SHBA-ja, Franca, Anglia dhe Suedia e Kosovare Asllanit.
