Majlinda Kelmendi dhe xhudistet tjera të Kosovës nuk do të largohen nga evropiani i këtij viti pas ditës së dytë të garave, ashtu siç bëjnë zakonisht, shkruan sot Koha Ditore.
Ndonëse do të përfundojnë garat e tyre individuale, xhudistet kosovare do të duhej të qëndronin në Evropian deri në ditën e fundit. Në ditën e fundit zhvillohen garat ekipore për meshkuj e femra dhe Kosova me shumë gjasa për herë të parë do të garojë në konkurrencë ekipore në një ngjarje të madhe. Natyrisht me femra.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoEvropiani i këtij viti mbahet në Varshavë të Polonisë prej 20 deri më 23 prill. Në tri ditët e para zhvillohen garat individuale, ndërsa më 23 prill, të dielën, garat ekipore. Garat ekipore zhvillohen në pesë kategori, duke filluar prej asaj 52 kilogramë e më lart dhe përfaqësuesja më e suksesshme kalon tutje.
Ekipi i Kosovës në xhudo po rritet e po kompletohet dhe për këtë arsye përzgjedhësi Driton Kuka po shqyrton seriozisht mundësinë të garojë në konkurrencë ekipore. Në konkurrencë individuale Kosova ka vite që është pjesë e kampionateve evropiane. (Më gjerësisht mund të lexoni sot në Koha Ditore).
Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.