Trajneri i Liverpoolit, Juergen Klopp kategorikisht ka mohuar se ekipi anglez do të bëjë shpenzime të mëdha në verë.
Në fakt, Klopp nuk beson se Liverpooli do të bëjë fare ndonjë shpenzim duke paralajmëruar një afat të qetë kalimtar gjatë kësaj vere.
Ai ka thënë se nuk klub nuk po mendojnë për transferimin e Kylian Mbappes, Erling Haalandit apo Jadon Sanchos siç po spekulohet nëpër mediume për shkak se koronavirusi ka ndikuar dukshëm në financat e klubit.
“Afati kalimtar do të jetë shumë i çuditshëm. Për çdo ditë po lexoj lajme se Liverpooli do të bëjë transferime të mëdha gjatë verës duke përmendur emra por nuk besoj se ato do të ndodhin. Kështu që, besoj se do të kemi një afat kalimtar të zhurmshëm dhe pothuajse pa shpenzime”, ka insistuar Klopp.
