Menaxheri i Liverpoolit, Jurgen Klopp, ka paralajmëruar Barcelonën se është në rrezik ta humbasë Lionel Messin.
Gjiganti spanjoll shiti Neymarin te PSG-ja për 198 milionë funte dhe aktivizimi i klauzolës së brazilianit, sipas Kloppit, paraqet problem edhe për Messin, klauzola e të cilit tani pa problem mund të paguhet.
Trajneri gjerman ka thënë se klubet e mëdha në të ardhmen pa problem mund të paguajnë klauzolën e Messit prej 272 milionë funteve.
“Është shumë e thjeshtë. Deri tani shihej si e pamundur”, ka thënë Klopp për DAZN.
“Pastaj është një listë klauzolash te Barcelona. Leo Messi me 300 milionë euro. Në një periudhë një mujore gjithçka është e mundur. Dikur ishte shumë e madhe. Tash është krejt normale. Kush do të paguante 300 milionë euro. Tani është realitet”.