Serena Williams është përshëndetur nga US Open dhe nga karriera e saj e shkëlqyer.
Williamsi, mes skenës emocionale, u përshëndet me të gjithë pasi u mposht nga australiania Ajla Tomljanoviq.
40-vjeçarja Williams ka thënë se mund të jetë meçi i fundit.
Ajo do ta mbyllë karrierën e saj 27-vjeçare në tenisin profesionist. Gjatë kësaj periudhe, Williamsi fitoi 23 turne të mëdhenj, dhe vlerësohet si një prej tenisteve më të mira në historinë e këtij sporti.
Williamsi u mposht 7:5, 6:7 dhe 6:1 dhe u përlot menjëherë pas përfundimit të takimit.
Pasi u përshëndet, në arenën ku u zhvillua meçi u lëshua kënga “Simply The Best” - (Thjesht Më e Mira), e kënduar nga Tina Turner.
Edhe
Serena Williams pensionohet nga tenisi pas US Open
“Dua t’i falënderoj të gjithë që janë këtu, të gjithë ata që kanë qenë me mua për kaq shumë vjet, dekada. O Zot, dekada”, tha Williams, që debutoi në tenisin profesionist si 14-vjeçare në vitin 1995.
“Gjithçka filloi me prindërit e mi. Ata meritojnë çdo gjë. U jam mirënjohëse. Dhe nuk do të ishte Serena nëse nuk do të ishte Venusi, motra, kështu që faleminderit Venus. Ajo është arsyeja e vetme pse Serena Williams ka ekzistuar”, ka thënë Serena Williams.
Tomljanoviq kalon në raundin e katërt dhe do të luajë ndaj tenistes nga Rusia, Liudmila Samsonova.
