Kampioni i ri i Italisë, Napoli, ka shënuar tjetër fitore në elitën italiane të futbollit.
Napolitanët të dielën mbrëma fituan përballë Fiorentinas me rezultatin 1:0, në kuadër të xhiros së 34-t të elitës së futbollit italian.
Victor Osimhen, që humbi penalltinë në minutën e 48-të, e shënoi golin e vetëm në këtë ballafaqim.
Osimhen që iu gëzua golit të 23-të sezonal, shënoi nga penalltia në minutën e 74-t. Amir Rrahmani ishte në bankën rezervë te kampioni.
Napoli ka 83 pikë në vendin e parë, kurse Fiorentina në pozitën e tetë ka 46 pikë.
Artikuj të ngjashëm