Adnan Januzaj mund t’i bashkohet Arbnor Mujës. Interesim për futbollistin kosovar ka shprehur skuadra belge, Antwerp. Kështu kanë raportuar të hënën mediumet belge.
Po ashtu është raportuar se në mesin e skuadrave të interesuara në Belgjikë është edhe Anderlechti. Sulmuesi i krahut me Sevillan ka kontratë deri në qershor të vitit 2026.
Por, 28-vjeçari pritet të largohet nga skuadra spanjolle për t’u paraqitur më shumë në fushë.
Januzaj është zhvilluar tek Anderlechti, ndërsa karrierë më vonë ka bërë edhe te Manchester Unitedi, Borussia Dortmundi, Real Sociedadi, Sevilla dhe Bashakshehiri. Vlera e futbollistit të Belgjikës është gjashtë milionë euro.
