Pas fitores ndaj skuadrës së Atletico Madridit në 1/8 e finales në Ligën e Kampionëve në ndeshjen e parë, Interi tani kthehet në elitën e futbollit italian.
Interi të dielën në orën 18:00 luan në udhëtim te Lecce.
Ndeshja i takon xhiros së 26-të të Serie A të Italisë.
Interi është lider me 63 pikë me një ndeshje më pak të luajtur, ndërsa Lecce ka 24 pikë në vendin e 13-të. Lecce i ka humbur shtatë nga nëntë ndeshjet e fundit dhe po lufton për mbijetesë.
“Nerazzurrët” me triumfin ndaj Atleticos kanë ecuri prej nëntë fitoreve të njëpasnjëshme në të gjitha garat.
Edhe
Në Itali luhet për vendet e Championsit
Prapa Interit janë Juventusi me 54 pikë dhe Milani me 52 pikë.
Të mërkurën, Interi e zhvillon ndeshjen e mbetur me Atalantan.
Juventusi të dielën në mesditë e pret Frosinonen, kurse Milani luan ndaj Atalantas në shtëpi të dielën në orën 20:45.
Kampioni në fuqi i Italisë, Napoli, me trajnerin e ri Francesco Calzona, barazoi në ndeshjen e parë kundër Barcelonës 1:1 të mërkurën, në 1/8 e finales së “Championsit”.
Edhe
Interi pranë titullit, lufta për pozitat e tjera
Në fundjavë, Napoli të dielën luan në udhëtim te Cagliari nga ora 15:00.
Calzona e zëvendësoi Walter Mazzarin dhe u bë trajneri i tretë i skuadrës në këtë edicion.
