Mauro Icardi mund të rikthehet sërish në Serie A, por jo tek Interi.
Mediat në Itali shkruajnë se Icardi ka gjasa të mëdha të transferohet te Juventusi.
Bëhet e ditur Juve ka dy opsione të cilat mund ta sjellin Icardin në Torino. E para ka të bëjë me Cristiano Ronaldon, i cili do të vendos për të ardhmen e tij pas “Euro 2020”.
Për Ronaldo PSG-ja është e gatshëm të paguajë para dhe në marrëveshje ta përfshijë edhe ndonjë lojtar.
Icardi mund të jetë edhe pjesë e marrëveshjes mes të dyja klubeve, ku Arthur Melo do të kalonte te PSG-ja, kurse Icardi do të transferohej në Juventus.
Raportohet se nëse Ronaldo largohet nga Juventust këtë verë, klubi italian po shikon Dusan Vlahoviqin dhe Icardin për të zëvendësuar superyllin portugez.
Icardi u transferua te PSG-ja vitin 2019. Fillimisht ishte i huazuar, kurse në korrik të vitit 2020 klubi francez e bleu kartonin e 28-vjeçarit.
Me PSG-në, Icardi ka kontratë deri në vitin 2024.