Vushtrria dhe Istogu do të përballen mes vete në raundin e dytë të Kupës së Evropës në konkurrencën e femrave.
Kështu, është vendosur në shortin që është tërhequr të martën në Vjenë të Austrisë.
Kjo është hera e parë që dy ekipe kosovare përballen ndërmjet vete në garat evropiane. Federata Evropiane e Hendbollit pas situatës së krijuar me pandeminë COVID-19, ka mundësuar përballjen e skuadrave nga i njëjti vend.
Vushtrria do të jetë vendase në ndeshjen e parë, derisa Istogu në atë të kthimit. Ndeshjet do të luhen në muajin tetor.
