Vetëm gjatë pushimeve, kur duhej t'ua lëshonte vendin për t'u ulur atyre që po luanin, Drilon Hajrizi i është ndarë stolit të Kosovës në ndeshjen ndaj Maqedonisë, të luajtur të shtunën mbrëma në Shkup e që u fitua nga vendasit me rezultatin 87:74.
Humbja ishte goditje në shpresat e Kosovës për kalim tutje, por një goditje tjetër vlerësohet prishja e mundshme e harmonisë brenda ekipit të Kosovës, shkruan sot “Koha Ditore”. Hajrizi, që vlerësohet prej lojtarëve më të mirë të Kosovës, çuditërisht nuk luajti asnjë minutë në ndeshjen e humbur nga Maqedonia. Ai në dy ndeshjet e para ishte në pesëshen startuese.
Në fitoren ndaj Maqedonisë në Prishtinë, luajti afër 13 minuta, gjatë të cilave nuk ia doli të shënojë pikë, ndërsa pati dy asistime e një kërcim. Ndaj Estonisë në udhëtim, në humbjen 76:50 ishte më i miri te Kosova me nëntë pikë, katër kërcime e dy asistime. Në parket i kaloi mbi 22 minuta.
Ndaj Maqedonisë të shtunën, Hajrizi nuk luajti asnjë minutë, dhe ai menjëherë të dielën u suspendua nga ana e Federatës së Basketbollit të Kosovës... (më gjerësisht lexoni sot në “Koha Ditore”)
Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.