Haaland, makineri e golave

Erling Haaland ka pasur probleme të shumta me lëndime, por paraqitjet në fushë gjithmonë kanë qenë mbresëlënëse për sulmuesin shtatlartë.

Haaland realizoi dy gola kundër Armenisë, në fitoren 9:0 të Norvegjisë të martën mbrëma. Ai e hapi serinë e golave në minutën e 24-t dhe më pas realizoi në minutën e 46-të.

Sulmuesi norvegjez pritet të largohet nga Dortmundi këtë verë, ndërsa në kërkim të tij janë ekipe të mëdha evropiane, përfshirë edhe Barcelonën e Real Madridin, shkruan “football-espana”.

21-vjeçari ka realizuar 13 gola në 16 paraqitje për Norvegjinë, dhe 80 gola të realizuar i ka në 82 ndeshje për “verdhezinjtë” e Dortmundit.