Mesfushori Ilkay Guendogan do ta firmosë së shpejti kontratën e re me skuadrën e Manchester Cityt.
Mediumet britanike kanë njoftuar se palët parimisht kanë arritur marrëveshjen dhe Guendogan është pajtuar me kontratën e re dyvjeçare, në të cilën do të ketë edhe rritje të pagës.
Me kontratën e re, Guendogan do të jetë pjesë e kampionit në fuqi të Anglisë deri në vitin 2025.
Aktualisht, 31-vjeçari ka kontratë deri në vitin 2023 me Cityn, ekip të cilit iu bashkua në verën e vitit 2016 nga Borussia Dortmundi.
Ai ka pesë gola e katër asistime në 23 paraqitje për Cityn këtë sezon në të gjitha garat.
Artikuj të ngjashëm