Sulmuesi i Atletico Madridit, Antoine Griezmann raportohet se do të pranojë pagë më të ulët vetëm që t’i bashkohet Barcelonës këtë verë.
Francezi nuk kaloi sezonin e shkuar te Manchester Unitedi pavarësisht spekulimeve, ndërsa tani thuhet se është kryesori në listën e dëshirave te Barça.
Paga e tij besohet se është rreth 190 mijë funte në javë, ndërsa sipas gazetës Sport, Griezmann do të pranojë pagë më të ulët që të kalojë te katalonasit.
Sipas raportimit, 27-vjeçari dëshiron kontratë që varet më shumë nga bonuset përmes performancave dhe golave.
Griezmann ka pasur 38 paraqitje për Atleticon këtë edicion me 23 gola të shënuar dhe 13 asistime.
Artikuj të ngjashëm