Eros Grezda ka vazhduar me formë të mirë në Kampionatin kroat. Sulmuesi i krahut ka asistuar në fitoren e Shibenikut ndaj Slaven Belupos me shifrat 2:1.
Golat për Shibenikun i realizuan Ivica Vidoviq në minutën e 14-të dhe Ivan Deliq në minutën e 37-të. Grezda asistoi te goli i dytë.
Për Grezdën ky ishte asistimi i dytë në tetë ndeshje, derisa ka realizuar edhe dy gola.
Grezda luajti 78-të minuta në këtë përballje.
Te Slaven Belupo në minutën e 46-të u inkuadrua Arbër Hoxha.
Golin e vetëm për Slaven Belupon e shënoi Ante Crnaq në minutën e 66-të për 2:1.
Shibeniku pas 31 ndeshjeve renditet në pozitën e tetë me 29 pikë një më pak se Slaven Belupo, që ka 30 pikë në vendin e shtatë.
Artikuj të ngjashëm