Goli i Veton Berishës nuk i ka mjaftuar skuadrës së Moldes që ta shmangë humbjen dhe eliminimin nga Kupa e Norvegjisë.
Të shtunën gjatë ditës, Molde u mposht në udhëtim te Stabaeku në ekzekutimin e penalltive, pasi loja e rregullt dhe vazhdimet u mbyllën me rezultatin e barabartë 1:1.
10:9 fitoi Stabaeku në ekzekutimin e penalltive.
Berisha pas gjysmë ore lojë, e konkretizoi në gol penalltinë e fituar nga mysafirët.
Për Berishën ishte goli i tij i parë me fanellën e Moldes, ndërsa e ka edhe një asistim.
Kasper Hogh i barazoi shifrat në minutën e 84-t, ndërsa në penallti, vendësit ishin më të koncentruar dhe kaluan tutje.
